Како Вашата Клима Станува Смарт со SwitchBot Хаб

Имате клима уред кој работи одлично, но нема Wi-Fi и не можете да го контролирате преку телефон? Не мора да купувате нов клима уред само за да биде “смарт”.

Со кој било SwitchBot Hub, можете да ја претворите вашата обична клима во паметен уред.

Тоа значи контрола преку мобилен, поврзување со Alexa, Google Home или Apple HomeKit и автоматско работење по распоред. Во овој водич ќе ви објасниме како функционира сето ова и кој модел на SwitchBot хаб е најдобар за вас.

Не ја менувајте старата клима – направете ја паметна!

Клима уредите се контролираат преку далечински управувач кој испраќа IR (инфрацрвени) сигнали. Ова е истата технологија што ја користиме за телевизори, проектори, аудио системи и многу други уреди.

SwitchBot хабовите (Hub Mini, Hub 2 и Hub 3) имат вграден Infrared предавател што функционира како универзално далечинско. Можат да ги клонираат IR кодовите од вашиот оригинален далечински управувач, за да потоа ги емитираат по потреба. Едноставно давате команда преку вашиот телефон и хабот емитира код или команда што сте ја одбрале. За климата, тоа практично значи:

• Вклучување и исклучување од било каде на светот
• Поставување на температура без да станувате од кревет
• Автоматско гасење кога ќе заминете од дома
• Интеграција со термостат логика преку автоматизации
• Компатибилност со Alexa, Google Assistant и Siri

Нема жици. Нема замена на уредот. Само еден смарт хаб и вашата клима одеднаш станува дел од вашиот паметен дом.

Кои клима уреди се компатибилни?

SwitchBot Хабовите работат со практично секоја клима што има IR (Infrared) далечински. Компанијата поседува една од најголемите датабази на инфраред кодови во светот, вклучувајќи модели од сите брендови присутни на македонскиот пазар: Hyundai, Vivax, Tesla, TCL, Daikin, Mitsubishi, Gree, Haier, Midea, AUX, Samsung, LG и многу други.

За целосната листа на компатибилни IR уреди, кликни тука.

Во случај кога далечинскиот управувач од вашата клима не може биде автоматски интегриран, тогаш постои функција на рачно клонирање на инфраред кодови. Ова значи дека мануелно го клонирате секое копче од вашето далечинско, пристискајќи го физички додека е насочено кон некој од SwitchBot хабовите.

Како се инсталира и подесува SwitchBot Hub?

Постапката е едноставна и трае неколку минути:

• Поставете го Hub-от близу климата
  Hub-от мора да има директна линија на видливост до IR приемникот на климата (обично на предната страна). Растојанието може да биде до 10 метри.
• Поврзете го Hub-от на Wi-Fi преку SwitchBot апликација
  Симнете ја SwitchBot апликацијата, додајте нов уред и следете ги упатствата. Процесот трае 2 до 3 минути.
• Додајте ја климата како IR уред
  Во апликацијата одберете „Add Device” па „Air Conditioner” под одделот “IR Appliances”. SwitchBot има датабаза со илјадници производувачи и модели. Во поголемиот дел од случаите климата се препознава автоматски и потребно е клонирање на само едно копче.
• Тестирајте и калибрирајте
  Пробајте ги командите директно од апликацијата. Ако некое копче не работи, користете ја функцијата за рачно клонирање на IR сигнали.

Тоа е сè. Од овој момент климата ја контролирате преку телефон, со гласовни команди или преку смарт автоматизации.

SwitchBot Hub Mini vs Hub 2 vs Hub 3: Кои се разликите?

Ова е прашање што го добиваме најчесто. Сите три модели го прават истото основно нешто: IR контрола на климата и други уреди. Но разликите се важни и во зависност од вашата ситуација, еден модел може да биде многу подобар избор од другите.

SwitchBot Hub Mini Matter

Најмалиот и најдостапниот модел. Hub Mini Matter е мал, дискретен и се поставува во било која соба или полица. Нема екран, нема сензори, само IR, Bluetooth и Wi-Fi. IR дометот е 30 метри, а Bluetooth дометот е 120 метри, со поддршка до 120 Bluetooth уреди истовремено. Поддржува Matter Bridge функција со до 4 под-уреди, и е компатибилен со Amazon Alexa, Apple Home, Google Home, Home Assistant, Homey и Samsung SmartThings.

• Погоден за: Луѓе што сакаат да ја направат климата паметна со минимален буџет и без компликации. Исто така солидна опција ако сакате Matter Bridge функција за мал број SwitchBot уреди без да плаќате за посериозен hub.
• Не е погоден за: Корисници што сакаат да гледаат температура на собата или да имаат повеќе Matter под-уреди, бидејќи Hub Mini е ограничен на 4.

SwitchBot Hub 2

Поголема верзија со значајни надградувања. Hub 2 има вграден сензор за температура (прецизност ±0,2°C во нормален опсег) и влажност, сензор за ниво на светлина, и 2 touch копчиња на уредот. Температурата и влажноста се прикажани на LED сегментен дисплеј, видлив од далечина. IR дометот е 30 метри, Bluetooth дометот е 120 метри, со поддршка до 120 Bluetooth уреди. Поддржува Matter Bridge со до 8 под-уреди. Поврзува и Bluetooth SwitchBot уреди (брава, сензори, копчиња) со cloud-от, што го прави вистинска централна точка за SwitchBot екосистемот. Компатибилен со Amazon Alexa, Apple Home, Google Home, Home Assistant, Homey и Samsung SmartThings.

Сензорот за температура и влажност е real-time и може директно да ги активира автоматизации, на пример: „кога температурата ќе надмине 26 степени, вклучи ја климата на 22 степени.”

• Погоден за: Корисници што градат посериозен паметен дом со повеќе SwitchBot уреди. Ако имате или планирате да имате SwitchBot брава, контактен сензор, Motion сензор или Bot, Hub 2 е логичен избор бидејќи ги поврзува сите во едно.
• Не е погоден за: Корисници што сакаат поголем Matter екосистем (ограничен на 8 под-уреди) или напреден дисплеј со повеќе информации.

SwitchBot Hub 3

Најновиот и најнапредниот модел. Hub 3 го има сè што има Hub 2, плус значајни надградувања. Има 2.4″ IPS екран кој прикажува температура, влажност, ниво на светлина, CO₂, час, датум, временска прогноза, статус на уреди и аларм. Уредот се контролира локално преку 4 touch, 5 физички и 1 ротационо копче со притискање. Вклучува сензори за температура, влажност, ниво на светлина и PIR сензор за детекција на движење. Bluetooth дометот е зголемен на 200 метри во отворен простор, а додека Matter Bridge функцијата овозможува споделлување на 30 под-уреди.

Дополнително, Hub 3 поддржува контрола на стриминг уреди преку IR и Bluetooth Classic: Apple TV, Fire TV, Chromecast, Nvidia Shield и Roku, што значи дека може да го замени и далечинскиот за вашиот ТВ или стриминг плеер. Компатибилен со Amazon Alexa, Apple Home, Google Home, Home Assistant, Homey и Samsung SmartThings.

• Погоден за: Корисници што градат сериозен паметен дом и сакаат еден централен уред за сè: клима, Bluetooth уреди, стриминг контрола и проширен Matter екосистем. Исто така погоден за поголеми домови каде е потребен поширок Bluetooth домет.
• Не е погоден за: Буџетно свесни корисници на кои не им треба напреден дисплеј или стриминг контрола.

Споредбена табела: SwitchBot Hub Mini vs Hub 2 vs Hub 3

	Hub Mini MATTER	Hub 2	Hub 3
IR контрола на клима	Да (30м)	Да (30м)	Да (30м)
Bluetooth gateway	Да (120м)	Да (120м)	Да (200м)
Сензор температура/влажност	Не	Да	Да
Сензор за движење (PIR)	Не	Не	Да
Дисплеј	Не	LED сегментен	2.4″ IPS
Matter Bridge под-уреди	4	8	30
Стриминг контрола (Google TV/Fire TV итн.)	Не	Не	Да
Препорачано за	Буџет IR контрола + Matter интеграција	SwitchBot екосистем + Matter интеграција	Напреден smart home + Matter Интеграција

Автоматизации што реално ќе ги користите

Основната контрола преку телефон е само почеток. Ова се автоматизации што нашите купувачи ги користат најчесто:

• Распоред: Климата автоматски се вклучува 20 минути пред да се разбудите наутро, поставена на саканата температура, и се исклучува кога ќе излезете.
• Geofencing: Кога ќе се оддалечите од дома повеќе од 500 метри, климата автоматски се гаси. Кога ќе се вратите, се вклучува.
• Температурно базирани тригери: (Hub 2 и Hub 3): Ако температурата во собата надмине 27 степени, климата се вклучува во режим на ладење. Кога ќе падне на 22, се гаси.
• Гласовна контрола: „Alexa, исклучи ја климата” или „Hey Google, постави ја климата на 21 степени.”

Заклучок

Не ви треба нова клима за да уживате во модерна технологија. Со SwitchBot Hub, вашата стара клима станува паметна за само неколку минути. Ако барате наједноставен и најефтин влез, Hub Mini Matter е првиот избор. Ако градите покомплетен SwitchBot паметен дом, Hub 2 е природен избор. Ако сакате мулти-сензорен уред, неограничена Matter интеграција, локална контрола преку копчиња, Hub 3 е вашиот уред.

Сите модели се достапни на SmartSpace.mk со официјална гаранција и брза достава низ цела Македонија.

Имате прашање? Пишете ни порака, тука сме да помогнеме!